عجيب أمرك يا أغلى الناس تهجرني
وانا المغرم وانا حبي عسل صافــــي
وعجيب إنك عنيد ودوم مسهرنـــــي
وانا في خاطري همك على أكتافـــي
وعجيب البعد مشقيني ومحيرنــــي
وانا المهموم من أجلك بإنصافـــــي
وعجيب الناس ما تدري تصبرنـــي
وانا أول عباد الله أجي حافــــــــــي
وعجيب أتقدم الخطوة وتأخرنـــــي
وانا مدري أخاف النقص ينشافي
وعجيب ان كان في نيتك تجبرنـي
وانا أعرف طريق الحق يا لافي
وعجيب انك قدرت اشلون تغيرني
وانا القاسي صليب الرأي والوافي
وعجيب أنسى وانت دوم فاكرني
وانا أحس اني أبد رجال سنافي
وعجيب الكل يحشمني ويقدرنــي
وانا أشوفك تسلم بطرف الاطرافي
وعجيب اسمع إنك ما بتذكـــــرني
وانا ما أقول الا يالله الكافــــــــــي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
الاستاذ/ سليمان العلوان ( أبو عماد ) حررفي 16/2/1432هجرية
الرئيسية 
